|
Volgens kookboekskrywer Dine van Zyl is margarien definitief nie ‘n alternatief vir botter nie – veral nie in hierdie poeding nie! Die resep is uit haar kookboek ‘Agter die lekker aan’.
(Met erkenning aan Pasella)
(Bedien 4-6)
1 eier
1 k suiker
1 k meel
1 t bakpoeier
1 t koeksoda
1 e bruin druiweasyn
1 e appelkooskonfyt
½ k melk
½ k room
Sous
1½ k melk
½ k suiker
½ k botter
¼ k brandewyn
1 t vanieljegeursel
Klits die eier en suiker saam. Meng die res van die bestanddele saam en voeg die eier-en-suiker-mengsel by. Meng goed. Giet die mengsel in ‘n gesmeerde oondskottel en bak 40 minute in ‘n voorverhitte oond by 180°C. Vir die sous, kook die melk, suiker en botter saam. Gooi die brandewyn en vanielje by en giet die warm sous oor die poeding. Bedien met vla of room.
|
